સમય સાથેનો આપણો સંબંધ
CHINTAN NI PALE by Krishnakant Unadkat

મેહરબાં હો કે બુલા લો મુઝે ચાહો જિસ વક્ત,
મેં ગયા વક્ત નહીં હૂં  કિ ફિર  આ ભી ન સકું.
-અમીર મિનાઇ

          સમય સાથે તમારે કેવો સંબંધ છે? દોસ્તીનો કે દુશ્મનીનો? સમય એવી ચીજ છે કે તમે તેની સાથે જેવો સંબંધ રાખશો, એવો સાથ આપશે. સમય સારો કે ખરાબ નથી હોતો, સમય સમય જ હોય છે. કોઈ ક્ષણ ગુડ ટાઈમ કે બેડ ટાઈમનું લેબલ લગાવીને આપણી સામે આવતી નથી. આપણે જ જો સમય પર અચ્છા કે બુરાનું સ્ટીકર ચોંટાડી દઈએ તો એમાં વાંક સમયનો નથી હોતો.
          એક માણસને સમય સાથે ઝઘડો થયો. સમયને ફરિયાદ કરી કે, મારા માટે તું ક્યારે સુધરીશ? સમયે કહ્યું કે, તું ક્યાં મને બગાડે છે એ શોધી કાઢ એટલે હું આપોઆપ સુધરી જઈશ. મેં તો મારી બધી શકિત તને આપી છે, હવે તારા હાથમાં છે કે તું તેને કેવી રીતે વાપરે છે.
          આપણને વારંવાર એક વાત સાંભળવા મળે છે કે યાર, મરવાની પણ ફુરસદ નથી! જો મરવાની ફુરસદ ન હોય તો જીવવાની ફુરસદ ક્યાંથી મળવાની છે? ગમે એવો ધનાઢ્ય માણસ પણ સમયને ખરીદી શકતો નથી. સમયને તમે જરાયે રેઢો મૂક્યો તો સમય તમારા પર ચડી બેસશે.
          સમયની લગામ માણસના પોતાના હાથમાં હોવી જોઈએ પણ માણસ આ લગામ સમયના હાથમાં આપી દે છે અને પછી એ જેમ ચાબુક ફટકારે એમ દોડતો અને હાંફતો રહે છે. એક વરસનું મૂલ્ય કેટલું છે એ જાણવું હોય તો એવા વિદ્યાર્થીને પૂછો જે ફાયનલ એક્ઝામમાં ફેઈલ થયો છે. એક મહિનાના મૂલ્યની વાત એ માને પૂછો જેને એક મહિનો પ્રિમેચ્યોર ડીલીવરી થઈ છે.
          એક કલાકનું મૂલ્ય એ પ્રેમીને પૂછો જે પોતાની પ્રેમિકાની રાહ જુવે છે. એક મિનિટનું મૂલ્ય એને પૂછો જે માણસે એક મિનિટ મોડું થતાં ટ્રેન મિસ કરી હોય. એક સેકન્ડનું મૂલ્ય એને પૂછો જેનો અકસ્માતમાંથી સહેજ માટે બચાવ થયો હોય અને વન મિલિસેકન્ડનું મૂલ્ય એ રનરને પૂછો જેણે આંખના પલકારા કરતાં પણ ઓછા સમય માટે ઓલિમ્પિકમાં ગોલ્ડ મેડલ ગુમાવ્યો હોય!
          સમયનું મૂલ્ય જે સમજતા નથી તેને સમય કોડીના કરી નાખે છે. સમયનો સદુપયોગ કરતા આવડવું જોઈએ. એટલે જ કહેવું પડે કે, સમયને વાપરવામાં ઉડાઉ ન બનો અને એટલા કંજૂસ પણ ન બનો કે પોતાના માટે પણ સમય ન બચે.
          એક બેંકર છે જે દરેક વ્યક્તિને એક ગજબની સ્કીમ આપે છે. આ બેંકર તમારા ખાતામાં દરરોજ સવારે રુપિયા ૮૬૪૦૦ જમા કરાવે છે અને તમને કહે છે કે, આ રકમ તમારે આખા દિવસમાં એવી રીતે વાપરવાની છે જેનાથી તમને મેક્સિમમ સુખ અને શાંતિ મળે.
          આ સ્કીમના નિયમો પણ વિચિત્ર છે. તમારે દિવસ પૂરો થાય ત્યાં સુધીમાં બધી જ રકમ વાપરી નાખવાની છે, નહીં તો એ રકમ ડિલિટ થઈ જશે, બીજા દિવસે કેરી ફોરવર્ડ નહીં થાય, ગયું તે ગયું. બીજા દિવસે તમને નવા રૂપિયા ૮૬૪૦૦ મળવાના છે. તમે દરરોજ આ રકમ કેવી રીતે વાપરશો અને ક્યાં ઈન્વેસ્ટ કરશો તેના પર તમારી જિંદગીનો આધાર છે.
          આ વાર્તા પાછળ ગૂઢ રહસ્ય છે. આ વાર્તાનો બેંકર બીજો કોઈ નથી પણ ખુદ ઈશ્વર છે, એ દરરોજ આપણને ૮૬૪૦૦ સેકન્ડ આપે છે. દિવસ પૂરો થતાં જ આ સમય વપરાઈ જાય છે. સમયનું આ બેલેન્સ જમા થતું નથી. તમને તમારી આ ૮૬૪૦૦ સેકન્ડનું મૂલ્ય છે તો તમે એને એવી રીતે ઈન્વેસ્ટ કરો કે તમને ખુદને એવું ફીલ થાય કે મેં મારી રકમ ઉડાવી નથી.
          આ રકમ પાછી બચત પણ નથી થવાની, માત્ર આ રકમ એવી રીતે ઈન્વેસ્ટ કરવાની છે જે તમારી જિંદગીને રીચ અને હેપ્પી બનાવે. ઉંમર એનું કામ કરવાની જ છે, એ તમારા હાથમાં છે કે તમે ઉમર પાસેથી કેવું કામ લ્યો છો.
          સમયનો સદ ઉપયોગ કરતા આવડે તેને સમય વહી ગયાનો અફસોસ થતો નથી. જીવનના અંતે એવું ફીલ ન કરવું હોય કે આખી જિંદગી એળે ગઈ તો તમારા સમયને પૂરી ત્વરાથી જીવો.
          યાદ રાખો, માત્ર કામ કરવું, નોકરી કરવી, રુપિયા કમાવવા એ જ જીવન નથી, જીવનમાં પ્રેમ, લાગણી, સંવેદના, મિત્રો, પરિવાર અને સંબંધોનું મૂલ્ય આંકતા અને સમજતાં શીખો. આ બધાંનો સરવાળો કરીને જે ટોટલ આવશે એ જ સુખ છે.

છેલ્લો સીન:
Growing old is mandatory, growing up is optional.
Contact : kkantu@gmail.com

Krishnkant Unadkat

Krishnkant Unadkat

10 thoughts on “

  1. nice one..tame gajab lakho cho…bahu saras..go on..m also in journalism janmabhomi ppr in bombay..i liked yr "tame lucky cho" valo lekh..too good. jena vicharo sara hoy e saru lakhi shake..ane jenu jeevan saru hoy ena vicharo sara hoy..wat say??

  2. jaysiyaram Krishnkantbhai,khub j sachu kahyu je samya no vivek purna upayog nathi karato tene mate samaya pan vivek nathi rakhto.khub sundar lekh che.DHANYAWAD.

  3. આત્મીય કૃષ્ણ કાન્તજી,
    અદ્ભુત.આ લેખ ને અનુરૂપ યુગ ઋષિ પંડિત શ્રી રામ શર્મા આચાર્યજી નું વાક્ય મુકવા નો લોભ જતો નહિ કરું.
    "જીવન નો અર્થ છે સમય.જેઓ જીવન ને પ્રેમ કરે છે તેઓ આળસ માં સમય ના ગુમાવે."
    દિવ્યદર્શન દ પુરોહિત

  4. Very relevant and good thoughts about TIME and TIME Management and if We go to see really ALL management strategies are useless if NO attention is paid to TIME.Speed,Power,Earning are ALL per unit of time! If one travels a distance in less time,he is FAST ! Earns sooner,he is RICHER! Gets More per Hour his Salary is better or highly paid!
    So evberything is BETTER if it takes LESS time to do it EXCEPT LIFE itself where we DO WANT as much as Possible !
    My compliments for the Nice article and blog

  5. નાનપણમાં શાળામાં 'સમયની મૂડી' નિબંધ ખૂબ લખ્યો છે.દરેકે સમયનું યોગ્ય મેનેજમેન્ટ કરવું જોઈએ.
    સરસ આર્ટિકલ

  6. Very nice article. People including me have no value of time since we receive no BILLS to pay at the month-end so we use the 'samay' anyhow. Keep-up your lekhs.
    Bharat Patel. Plano Tx USA.

  7. Krishnakanji

    Kanti Bhatt ni Shrenio Chetna ni pade chetna ni shane vigere vanchi anand avto evoj anand madyo !!!!
    Samay mate etulaj kahi shakay

    WAQT SE WAQT KI KYA SHIKAYAT KARE
    WAQT HI NA RAHA WAQT KI BAAT HAI
    WAQT NE DEKHA MUJE WAQT NE CHAHA MUJE
    WAQT NE THUKRA DIYA WAQT KI BAAT HAI !!!!

    Badhaj kahe che ke apde samay ni kimmat nathi karta badhaj jane che chata ajan bane che !!!
    becharo manavta vagar no Manvi////
    MAJA AVE CHE///KEEP GOOD WORK///

    HARIOM SHARMA
    AIR INDIA RAJKOT

  8. tamari vaat to sachi chhe ke samay saro pan nathi and samay kharab pan nathi pan jayare mara father nu accident thayu hatu ane me mara father ne gumavya chhe ,te to samay j kharab kevay ne, baki to tamari badhi vaat sachi chhe,,,,,, i like it

Leave a Reply to shardul Cancel reply

%d bloggers like this: